"O‘quvchilarga uy vazifalarini ertaroq tayyorlab qo‘yishlarini maslahat beraman, chunki chorshanba kuni ularning sevimli Vikipediya sayti ishlamaydi”, – deya yozadi Jimmi Uels o‘zining mikroblogida.

Vikipediyadan tashqari, "Google”, "Yahoo” va "Facebook” kabi dunyodagi eng yirik internet-kompaniyalar ham SOPA qonun loyihasiga o‘z qarshiligini bildirmoqda. Ularning fikricha, agarda SOPA qabul qilinadigan bo‘lsa, Internetda "so‘z erkinligi” degan tushuncha o‘z ahamiyatini yo‘qotadi.

Jimmi Uelsning yozishicha, agarda AQSh Kongressi "antipirat” qonun loyihasini qabul qiladigan bo‘lsa, u Vikipediyaning butun dunyo bo‘ylab barcha serverlarini o‘chiradi va bu millionlab odamlarning noroziligiga sabab bo‘lishi turgan gap.

Vikipediya SOPA qonun loyihasiga qarshi, 2012-yil 18-yanvar, soat 00:00

Foto: "Wikipedia”

Eslatib o‘tamiz, Yevropa ham xuddi shunga o‘xshash qonun loyihasi ustida ish olib borayotganligi ma’lum bo‘lganidan so‘ng Vikipediyaning italyancha versiyasi ham biroz vaqt ishlamay turdi.

Bundan avvalroq esa, veb-saytlarni ro‘yxatdan o‘tkazuvchi dunyodagi eng mashhur registrator – "GoDaddy” ham SOPA qonun loyihasini qo‘llab-quvvatlab chiqqanidan so‘ng, uning foydalanuvchilari ommaviy ravishda noroziliklarini bildirishdi. Shundan so‘ng, "GoDaddy” ushbu qonun loyihasini qo‘llab-quvvatlamaslikka qaror qildi.

Manba: THG.uz