www.WEBMIR.com | Hama yangiliklar ! Hamma vaqt bizda !!

Odnaklasnikda video yuklash rejimi sinov tariqasida paydo bo'ldi

Admin — Fri, 06 Apr 2012 06:15:36 GMT

Yuklanadigan videolarning hajmi 20 kilobaytdan 2 gigabaytgacha bo‘lishi mumkin. Videoni yuklab bo‘lgandan so‘ng, siz uni xohlasangiz hammaga ko‘rinadigan, xohlasangiz faqatgina do‘stlaringiz ko‘radigan qilish ham mumkin. [$CUT$ ?

Har bir rolik yuklanganidan so‘ng, u Odnoklassniki ma’muriyati tomonidan 5-30 daqiqa ichida tekshiruvdan o‘tadi. Agar rolik talablarga javob bersa hamda mualliflik huquqlarini buzmagan deb topilsa, u saytda paydo bo‘ladi. Servis talablariga javob bermaydigan videolar yuklanganda, bu haqda foydalanuvchiga maxsus bildirishnoma jo‘natiladi.

Yangi servis Video@Mail.Ru loyihasi asosida ishlaydi hamda u 2012-yil yozigacha barcha uchun ochiq bo‘ladi. Hozirda ushbu funksiya faqatgina chekli sondagi foydalanuvchilar uchun ochiq xolos. Hozirda sinov jarayoni ketmoqda.

Odnoklassniki – Rossiyaning eng yirik ijtimoiy tarmoqlaridan biri. LiveInternet statistikaisga ko‘ra, unga bir kunda o‘rtacha 33 million kishi tashrif buyuradi.

Vladimir Putin Rossiya Federatsiyasining navbatdagi prezidenti etib saylandi

TelePORT — Tue, 06 Mar 2012 20:08:45 GMT

2012-yilning 4-mart kuni Rossiya Federatsiyasida mamlakat prezidentligi uchun saylovlar bo‘lib o‘tdi. Saylovda prezidentlikka jami besh nomzod qo‘yilib, "RIA Novosti” nashrining xabar berishicha o‘tkazilgan saylov natijalari quyidagicha ko‘rinish oldi:

1. Vladimir Putin – 63,6% (45,602 milliondan ortiq ovoz);

2. Gennadiy Zyuganov – 17,18% (12,318 milliondan ortiq ovoz);

3. Mixail Proxorov – 7,98% (5,722 milliondan ortiq ovoz);

4. Vladimir Jirinovskiy – 6,22% (4,458 milliondan ortiq ovoz); [$CUT$ ?]

5. Sergey Mironov – 3,85% (2,763 milliondan ortiq ovoz).

Eslatib o‘tamiz, Rossiya Federatsiyasi Markaziy saylov komissiyasi 100 foiz saylov byulletenlarini sanab chiqqan bo‘lsa-da, saylovning yakuniy natijalari aniq raqamlar bilan 14-martdan kechiktirilmasdan e’lon qilinadi.

Shunday qilib, amaldagi Rossiya Federatsiyasi bosh vaziri – Vladimir Putin mamlakat prezidentligi uchun bo‘lgan saylovlarda yutib chiqdi. U 2012-yilning 7-may kuni o‘z lavozimiga kirishadi. Eslatib o‘tamiz, 2012-yildan boshlab Rossiyada prezidentlik muddati 6 yil qilib belgilangan.

Vladimir Putinning Rossiya Federatsiyasi prezidenti etib saylanishi munosabati bilan O‘zbekiston Respublikasi Prezidenti Islom Karimov unga tabriknoma yo‘lladi, deya xabar beradi mamlakatimiz rahbarining matbuot xizmati.

“Windows 8” operatsion tizimining beta-versiyasi chiqdi – foydalanib ko‘ring!

TelePORT — Tue, 06 Mar 2012 04:59:11 GMT

Barselona shahrida bo‘lib o‘tgan hamda mobil dunyosida yilning eng olamshumul voqeasi sanalgan "Mobile World Congress 2012” ("MWC 2012”) ko‘rgazmasida "Microsoft” korporatsiyasi "Windows 8” operatsion tizimining beta-versiyasi chiqarilganini ma’lum qildi.

Kompaniyaning o‘zi "beta-versiya” so‘zini ishlatgani yo‘q, buning o‘rniga u operatsion tizimning ushbu relizini "Windows 8 Consumer Preview” ("Windows 8”ning foydalanuvchilar uchun demo-versiyasi) deb nomlagan. Eslatib o‘tamiz, 2011-yilning sentabr oyida uning dasturchilar uchun mo‘ljallangan "Windows 8 Developer Preview” versiyasi chiqarilgan edi.

Sentabr oyidan beri operatsion tizimga minglab o‘zgartirishlar kiritilib, endi u foydalanuvchilar uchun sinab ko‘rishga tayyor holatga keltirildi.

"Microsoft” o‘z operatsion tizimining 8-versiyasiga "Windows Store” deb nomlangan onlayn-do‘konni ham biriktirib, unda turli dasturlar sotiladi hamda ba’zilari bepul tarqatiladi.

Shunday qilib, "Windows 8”ning beta-versiyasini mana bu yerdan bepul ko‘chirib olishingiz mumkin, biroq undan foydalanish muddati cheklangan. Operatsion tizimni o‘rnatish uchun mo‘ljallangan ISO-faylning hajmi uning turiga qarab 2,5-3,5 gigabayt atrofida.

Yangi operatsion tizimni o‘rnatish uchun kompyuterga quyidagicha talablar qo‘yilgan:

Protsessor chastotasi – 1 Ggs va undan yuqori;
Operativ xotira – eng kamida 1 (32-bit) yoki 2 gigabayt (64-bit);
Qattiq diskdagi bo‘sh joy – 16 (32-bit) yoki 20 gigabayt (64-bit);
Videokarta – DirectX9 va undan yuqori versiyalariga mos.

Eslatib o‘tamiz, yangi operatsion tizimning beta-versiyasini o‘rnatish faqatgina tajribali foydalanuvchilarga tavsiya etiladi.

"Windows 8” operatsion tizimida ikki xil foydalanuvchi interfeysi mavjud – "Windows 7” kabi oddiy hamda "Metro” uslubidagi interfeys (vidjetlardan foydalaniladi). "Windows”ning eski versiyalari uchun chiqarilgan dasturlar faqatgina oddiy interfeysda ishlaydi xolos. Metro-interfeysi uchun mo‘ljallangan dasturlar esa asta-sekin ishlab chiqilmoqda.

"Windows 8”ga "Internet Explorer” brauzerining har ikkala interfeys uchun mo‘ljallangan 10-versiyasi ham oldindan o‘rnatilgan.

"Windows 8 Consumer Preview”da Metro-interfeysi

Foto: Microsoft

Yangi operatsion tizimga Metro-dasturlarni "Windows Store” internet-do‘konidan ko‘chirib olish mumkin. Ushbu do‘kon hozirda sinov rejimida ishlayapti, shu bois unda hozircha faqat bepul dasturlar bor xolos.

"Windows 8” operatsion tizimi ham shaxsiy kompyuterlar, ham planshet kompyuterlarda ishlash uchun moslashtirilgan. Biroq, uning beta-versiyasini hozircha faqat shaxsiy kompyuterlarga o‘rnatish mumkin xolos. Uning planshet kompyuterlarga mo‘ljallangan versiyasini alohida sotib olish mumkin emas, chunki u planshet kompyuterga oldindan o‘rnatilgan holda chiqariladi.

Eslatib o‘tamiz, Metro-interfeysi "Windows 8”dan tashqari "Windows Phone 7” mobil operatsion tizimi hamda "Microsoft Xbox 360” o‘yin konsolida ham qo‘llanilgan.

"Microsoft” korporatsiyasi "Windows 8”ning yakuniy versiyasi qachon chiqarilishini hali e’lon qilganicha yo‘q. biroq, kuzatuvchilar uning 2012-yil kuzida ma’lum bo‘lishini taxmin qilishmoqda.

Ma’lumot o‘rnida:

"Microsoft” korporatsiyasining "Windows 7” operatsion tizimi 2009-yilda chiqarilgan bo‘lib, shu kungacha undan jami 525 million nusxa sotilgan.

Kompyuteringizda hali ham virus bormi?

TelePORT — Tue, 06 Mar 2012 04:52:37 GMT

Kompyuter viruslari operatsion tizimda o'rnashib olganligini bilish unchalik oson emas, agar bu viruslar troyan yoki rootkit bo'lsa, umuman, ularning mavjudligini nafaqat foydalanuvchi, balki antivirus programmalari ham sezmasligi mumkin.

Kompyuterga virus asosan ikki yo'l orqali o'rnashib olishi mumkin.

Birinchi va eng keng tarqalgani yo'l bu - zararlangan flesh yoki boshqa portativ disklarni kompyuteringizga ulash, shuning uchun begona fleshni kompyuterga ulashdan oldin, antivirus programmasi bilan tekshiring.

Ikkinchi yo'li bu - internetda zararlangan saytlarga kirish, chat davomida shubhali fayllarni olish yohud ochish yoki p2p tizimidan keladigan fayllardagi viruslarning kompyuteringizga o'rnashib olishidir. Internetga ulanishdan oldin, kompyuteringiz xavfsizligiga yetarlicha ishonch hosil qilish kerak. Buning uchun antivirus programmasi ishlab turgan bo'lishi, viruslarni aniqlash bazasi yangilangan bo'lishi lozim.

Kompyuter foydalanuvchilari "baxtiga" kompyuteringizga o'rnashib olgan virus o'zi bir nechta belgilar bilan o'zini bildirib qo'yadi. Bu belgilar, odatda, quyidagicha bo'ladi:

Kompyuteringiz odatdagiga qaraganda sekin ishlay boshlaydi.

Kompyuteringizning buyruqlarga javob berish tezligi kamayadi va tez-tez qotib qola boshlaydi.

Kompyuteringiz tez-tez o'chib yona boshlaydi.

Siz kompyuterdan foydalanish paytida g'alati xatoliklar, menyu va xabarlarga duch kela boshlaysiz.

Kompyuteringizdagi ayrim programmalar ishlamay qoladi yoki tez-tez xatolikga duch kela boshlaydi.

Kompyuterdan printer orqali xujjat chop etish tizimi ishdan chiqadi.

Agar kompyuteringizga virus tushgan deb o'ylasangiz, quyidagi maslahatlarga amal qiling:

Kompyuteringiz internetga ulangan bo'lsa, darhol internet aloqasini uzing, chunki ba'zibir viruslar internet orqali sizning kompyuteringizga yanada ko'p zarar yetkazishi mumkin.

O'zingizga eng muhim va kerakli ma'lumotni (xujjatlar, suratlar va boshqa fayllar) zaxiraga oling, ya'ni flesh yoki CD/DVD disklariga yozib oling.

Kompyuteringizda antivirus programmasi bo'lmasa, o'rnating. Iloji bo'lsa, o'zingizning kompyuterdan emas, boshqa disk yoki fleshda olib kelib o'rnating va viruslarni aniqlash bazasini yangilang. Agar antivirus programma bo'lsa, albatta, viruslarni aniqlash bazasi yangilang.

Yangilangan viruslarni aniqlash bazasiga ega antivirus bilan kompyuterning qattiq diskini tekshiring.

Antivirus programmasi ishlab chiqaruvchi saytiga kirib, virusni kompyuterdan o'chirishga yordam beradigan maxsus yordamchi programmalar bo'lsa, ular yordamida ham kompyuterni viruslardan tozalang.

Agar kompyuter qattiq diskidagi ma'lumotlar o'chib ketgan bo'lsa, ma'lumotlarni qayta tiklash bo'yicha kompyuter ustasiga murojaat qiling. Usta qattiq diskni tekshirib, undagi ma'lumotlarni qayta tiklamagunicha qattiq diskga yangi ma'lumot yozmang.

Nook Tablet” planshet kompyuterining arzonlashtirilgan versiyasi sotuvga chiqarildi

TelePORT — Tue, 06 Mar 2012 04:51:02 GMT

Kitob savdosi bilan shug‘ullanuvchi "Barnes & Noble” kompaniyasi o‘zining "Nook Tablet” planshet kompyuterining yangilangan versiyasini chiqardi. Yangi model noyabr oyida sotuvga chiqarilgan oldingi versiyasidan faqat ichki xotirasi va narxi bilan farq qiladi – birinchi modelda ichki xotira 16 gigabayt va narxi 249 dollar bo‘lsa, yangisida ichki xotira 8 gigabayt va narxi esa 199 dollar.

Qolgan xususiyatlari esa har ikkala modelda ham bir xil. "Nook Tablet” planshet kompyuteri 1 gigagers chastotali, ikki yadroli protsessor, 1 gigabayt operativ xotira va 1024 x 600 piksel rezolutsiyali 7 dyumlik ekranga ega. Qurilma "Android 2.3 Gingerbread” mobil operatsion tizimida ishlaydi.

"Nook Tablet” planshetining yangi versiyasi "Barnes & Noble” do‘konlarida 21-fevraldan sotuvga chiqarildi.

Bundan tashqari, kompaniya 2010-yilda ishlab chiqilgan o‘zining "Nook Color” bukriderining narxini ham 199 dollardan 169 dollargacha kamaytirganini ma’lum qildi.

Eslatib o‘tamiz, "Nook Tablet” arzon planshet kompyuterlar bozorida "Amazon” kompaniyasining "Kindle Fire” plansheti bilan raqobat qiladi. Ularning har ikkalasi ham 2011-yil noyabr oyida sotuvga chiqarilgan. Ularning har ikkalasi ham Android operatsion tizimining maxsus o‘zgartirilgan versiyasida ishlaydi hamda alohida tanlangan servislardan foydalanish mumkin xolos.

Xitoy Gollivud kinokompaniyalari uchun o‘zining kinobozorini ochib bermoqda

Admin — Sun, 19 Feb 2012 18:31:18 GMT

Xitoy hukumati mamlakatda Gollivud filmlarini qo‘yish bo‘yicha o‘rnatgan cheklovlarni qisqartirmoqda, deya xabar beradi "RosBiznesKonsalting” nashri "Reuters” agentligiga tayangan holda. AQSh va Xitoy Xalq Respublikasi vitse-prezidentlari Jozef Bayden va Si Szinpin o‘rtasida bo‘lib o‘tgan muzokaralar samarasi o‘laroq Xitoyda Amerika filmlarini suratga olish hamda ularni aholiga ko‘rsatish bo‘yicha bir qancha cheklovlar olib tashlandi. [$CUT$ ?]

Bunga o‘xshagan kelishuvlar Amerika kinostudiyalari va mustaqil rejissorlar uchun Xitoyning ulkan kinobozoriga yo‘l ochib beradi. Natijada qo‘shimcha ishchi o‘rinlari yaratiladi. Prodyusserlar esa o‘z kinomahsulotlarini Xitoyda ham namoyish qilish ortidan katta foyda olishlari mumkin.

Eslatib o‘tamiz, shu kungacha Xitoyda yiliga eng ko‘pi bilan 20 ta xorijiy filmni namoyish qilishga ruxsat berilgan bo‘lib, bundan tashqari, "praym-taym” vaqtida xorijiy seriallarni qo‘yish ham ta’qiqlangan.

Amerika kinokompaniyalari assotsiatsiyasining (MPAA – Motion Picture Association of America) ta’kidlashicha, yangi kelishuv natijasida Xitoy bozoriga kirib keluvchi Amerika filmlarining soni 50 foizgacha ortadi. Bundan tashqari, Xitoyga kirib keluvchi 3D va IMAX formatidagi filmlarning ham soni o‘sishi kutilmoqda.

Xitoyning kinobozori dunyodagi eng istiqbolli va shu bilan birga eng tez rivojlanayotgan bozorlardan biri sanaladi. 2003-yilda Xitoy kinobozori atigi 150 million dollarni tashkil qilgan bo‘lsa, 2011-yilga kelib bu ko‘rsatkich 2 milliard dollardan oshib ketdi.

Shunday qilib, Amerikaning "DreamWorks Animation” kinostudiyasi birinchilardan bo‘lib Shanxayda yangi filmlar suratga olish va ularni Osiyo bozoriga chiqarish uchun katta studiya qurishga kirishmoqda.

Xitoydagi tijorat banklarining foydasi rekord darajaga yetdi

Admin — Sun, 19 Feb 2012 18:27:59 GMT

Xitoy tijorat banklarining 2011-yildagi jami sof foydasi rekord darajaga yetib, 1,04 trillion yuanni (165,1 milliard dollar) tashkil qildi. Bu esa 2010-yilga qaraganda 15,8 foizga ko‘p demakdir. Bu haqda "RosBiznesKonsalting” nashri Xitoy Xalq Respublikasining Bank nazorati bo‘yicha komissiyasi ma’lumotlariga tayangan holda xabar qilgan.$CUT$ ?]

Eslatib o‘tamiz, 2010-yilda Xitoy tijorat banklarining jami sof foydasi oldingi yilga qaraganda 34,5 foizga oshib, 899,1 milliard yuanni tashkil qilgan edi.

Shunday qilib, 2011-yil yakunlariga ko‘ra Xitoy banklarining kredit portfelidagi to‘lanmagan kreditlar ulushi 1,1 foizni tashkil qildi (2010-yil oxirida bu ko‘rsatkich 1,0 foiz edi). Bank sektoridagi kapitalning yetarlilik darajasi esa bir yil oldingi 12,2 foizdan 12,7 foizgacha ko‘tarildi.

Mustaqil ekspertlarning fikricha, rasmiy statistikaga ko‘ra Xitoyning bank sektori barqaror ko‘rsatkichlarga ega bo‘lishi mumkin, biroq ichkari tomondan qaraganda uning milliy bank tizimida bir qancha muammolar mavjud. Xususan, 2009-2010 – yillardagi "kredit bumi” davrida Xitoy banklari munitsipal va mahalliy hukumatlarga katta miqdorda qarz bergan bo‘lib, pirovardida, ushbu kreditlarning qaytarilish ehtimoli juda pastdir. Shuning uchun ham, banklarning kredit portfelidagi muammoli kreditlar ulushi oshib ketishi mumkin.

Bundan tashqari, Xitoy markaziy banki yana yirik tijorat banklari uchun depozitlar bo‘yicha zaxira majburiyatlarini qisqartirdi – endi u 20,5 foizga teng. Oxirgi marta ushbu talab 2011-yilning noyabr oyida kamaytirilgan edi. Xitoy markaziy banki zaxiralash normasini qisqartirish orqali banklarga qo‘shimcha pul mablag‘larini paydo qilmoqda hamda bu harakati bilan u kreditlash hajmini o‘stirishni reja qilmoqda.

Mobil telefon ishlab chiqaruvchi top-10 kompaniyalar

Admin — Sun, 19 Feb 2012 18:25:15 GMT

Nufuzli "Gartner” tadqiqot kompaniyasi 2011-yil uchun jahon mobil telefonlar bozori yakunlarini e’lon qildi. Unga ko‘ra Finlandiyaning "Nokia” kompaniyasi bu yil ham yetakchilikni o‘zida saqlab qolgan bo‘lsa-da, biroq uning sotuv hajmi yildan-yilga tushib ketmoqda. Shu bilan birga, Janubiy Koreyaning "Samsung”, AQShning "Apple” va boshqa bir qator (hatto, ba’zilarining nomi ham yo‘q) Xitoy kompaniyalari esa jahon mobil telefonlar bozorida yangi marralarni egallamoqda.

[$CUT$ ?]

Avval xabar qilganimizdek, jahon mobil telefonlar bozori tahlilini yana bir tadqiqot kompaniyasi – "IDC” ham olib boradi. Biroq, "IDC” o‘z hisob-kitoblarida mobil telefon ishlab chiqaruvchi kompaniyalarining sotuv kanallariga chiqargan qurilmalarini hisoblasa, "Gartner” esa, aksincha, yakuniy iste’molchiga yetib borgan mobil telefonlar hisobini yuritadi.

Shunday qilib, "Gartner” ma’lumotlariga ko‘ra, 2011-yilda jahonda jami 1,77 milliard dona mobil telefon sotilgan bo‘lib, bu 2010-yilga qaraganda 11 foizga ko‘p demakdir. Bunda birgina smartfonlar savdosi 2010-yilga qaraganda 58 foizga o‘sib, 472 million donani tashil qildi. Bu esa umumiy mobil telefonlar bozorining 27 foiziga teng.

Quyida 2011-yil yakunlariga ko‘ra eng ko‘p mobil telefon sotishga muvaffaq bo‘lgan kompaniyalar reytingi berilgan.

Yuqoridagi kompaniyalardan to‘rttasi – "LG Electronics”, "Sony Ericsson”, "Motorola” va "Research in Motion” ham sotuv hajmi borasida, ham daromad borasida yaxshi natijalar ko‘rsata olishmadi. Ustiga-ustak ular "ZTE” va "Huawei” kabi "kichik” o‘yinchilarga kurashda yengilmoqda.

Endi 2012-yil uchun prognozlarga keladigan bo‘lsak, "Gartner” bu yili mobil telefonlar savdosining 7 foizga o‘sishini, bunda smartfonlar savdosi esa 58 foizga o‘sishini taxmin qilmoqda.

“Facebook” o‘z aksiyalarini ochiq savdoga chiqarmoqda

TelePORT — Wed, 15 Feb 2012 21:01:00 GMT

Dunyodagi eng yirik ijtimoiy tarmoq – "Facebook” 1-fevral kuni o‘z aksiyalarining ochiq savdosini o‘tkazish uchun AQSh Qimmatli qog’ozlar va birja komissiyasiga (SEC – Securities and Exchange Comission) IPO (initial public offering – aksiyalarning birlamchi taklifi) uchun ariza berdi.

"The Wall Street Journal” gazetasining yozishicha, ariza maxsus komissiya tomonidan ko‘rib chiqilgach, "Facebook” aksiyalarining birlamchi savdosi shu yilning bahor oylaridan birida o‘tkaziladi. Ma’lum bo‘lishicha, "Facebook” IPO natijasida 5 milliard dollar atrofida mablag’ jalb qilishni rejalashtirgan. Natijada, $CUT$ ?"Facebook”ning kapitallashuv darajasi 75-100 milliard dollarga yetishi kutilmoqda. Bu esa, o‘z navbatida, internet-kompaniyalari ichidagi eng yirik IPO hisoblanadi.

"Facebook” maxsus komissiyaga IPO uchun ariza berar ekan, shu bilan birga u o‘zining ba’zi moliyaviy hisobotlarini ham taqdim qilgan. Unga ko‘ra, "Facebook” kompaniyasi 2011-yilda jami 3,7 milliard dollar miqdorida daromad olib, shundan 668 million dollari uning foydasi bo‘lgan. Olingan daromadning 85 foizi ijtimoiy tarmoq saytiga qo‘yilgan reklamalardan tushgan. Daromadning qolgan qismi esa ijtimoiy o‘yinlar va boshqa turli to‘lovlardan keladi.

2012-yilning 1-yanvar holatiga "Facebook” a’zolari soni 845 million kishini tashkil qiladi.

Eslatib o‘tamiz, shu paytgacha internet-kompaniyalari ichidagi eng muvaffaqiyatli IPO 2004-yil "Google” tomonidan o‘tkazilgan edi. O‘shanda internet-giganti investorlardan 1,9 milliard dollar mablag’ jalb qilib, uning kapitallashuv darajasi 23 milliard dollarni tashkil qilgan edi.

2004-yilning 4-fevral kuni Garvard universitetining sobiq talabasi Mark Sukerberg tomonidan ishga tushirilgan hamda yildan-yilga foydalanuvchilari soni tinmay oshib borayotgan, o‘zining ajoyib platformasi bilan reklama beruvchilarning qiziqishiga sabab bo‘lib kelayotgan "Facebook”ning fond birjasiga chiqishini ko‘pchilik investorlar anchadan beri kutib kelayotgan edi. Shu sababli, "Facebook” 1-fevral kuni IPO uchun ariza berishi bilanoq ushbu xabar ommaviy axborot vositalarining asosiy e’tiborini tortdi.

"Facebook” o‘zining IPO jarayonini tashkillashtirish uchun "Morgan Stanley”, "JPMorgan Chase” va "Goldman Sachs” kabi investitsion banklarni tanlagan. Tiker, ya’ni kompaniyaning birjadagi ramziy belgisi sifatida "FB” tanlandi. Biroq, "Facebook” hali o‘z aksiyalarini Nyu-York fond birjasi yoki NASDAQ birjalaridan qay birida sotishi haqida biror ma’lumot berganicha yo‘q.

"Facebook” asoschisi Mark Sukerberg hozirda kompaniyaning 24 foiz aksiyasiga va 57 foiz ovoz berish huquqiga ega. IPO davomida u o‘zining qancha miqdordagi aksiyalarini sotuvga qo‘yishini hali ma’lum qilgani yo‘q.

Eslatib o‘tamiz, veb-kompaniyalardan onlayn-kupon biznesi bilan shug’ullanuvchi "Groupon” va ijtimoiy o‘yinlarni ishlab chiquvchi (asosan, "Facebook” platformasi uchun) "Zynga” kompaniyalari ham 2011-yilda muvaffaqiyatli IPO o‘tkazishdi.

O‘tgan sakkiz yil davomida "Facebook” dunyoning ijtimoiy bozoriga aylandi, deydi "The Wall Street Journal” gazetasi. Bunda har kuni odamlar bir-birlari bilan "giybatlashishadi”, turli o‘yinlarni o‘ynashadi, kamiga yana kuniga 250 million donadan ortiq rasm joylanadi.

Qaroqchilar 7 milliard dollar zarar keltirishti !

TelePORT — Wed, 15 Feb 2012 20:57:18 GMT

Somali qaroqchilari o‘tgan yili jahon iqtisodiyotiga 6,6-6,9 milliard dollar atrofida zarar keltirishdi. Bu haqda Amerikaning "One Earth Future” jamg‘armasi o‘zining "Oceans Beyond Piracy” hisobotida ma’lum qilgan, deya xabar beradi "Lenta.ru” nashri.

Tashkilotning ushbu hisobotida yozilishicha, ko‘rilgan zararning 80 foizi kemachi kompaniyalarning zimmasiga tushgan. Qolgan 20 foizini esa turli hukumatlar sarflashgan.$CUT$ ?

Kemalar Somali qirg‘oqlariga yaqinlashgan paytda xavfsizlik nuqtai-nazaridan tezlikni oshirishadi, shu sababdan yoqilg‘i sarfi ham ko‘payadi.

Umumiy xarajatlarning qairyb 99 foizi himoyalanish uchun sarflangan, bunga harbiy harakatlar, qurollangan himoya, xavfsizlikni ta’minlash vositalarini sotib olish, sug‘urta, qo‘shimcha kuzatuv kuchlariga sarflangan pullarni kiritish mumkin.

2011-yilda qaroqchilar tomonidan qo‘lga olingan odamlar, kemalar va boshqa narsalarni tovon puli evaziga qaytarib olish uchun jami 160 million dollar sarflangan.

Hisobotda keltirilishicha, 2010-yilda Somali qaroqchilari jahon iqtisodiyotiga o‘rtacha 7-12 milliard dollar zarar keltirishgan edi.